ሄማቹርያ (ደም ኣብ ሽንቲ)

ደም ኣብ ሽንቲ (ሄማቹርያ) መብዛሕትኡ ግዜ ብከቢድ ኩነታት ዝብገስ እኳ እንተዘይኮነ ናብ ሓፈሻዊ ሓኪም ቀሪብካ ግን ክትምርመር ኣለካ።

ከምዚ ምስ ዝኸውን ናብ ሓፈሻዊ ሓኪም ተርአ ወይ ናብ 111 ደውል ፦ 

ደም ኣብ ሽንቲ እንተ ሃልዩ ከምኡ ውን ፦

• ካልእ ምልክታት እንተዘይብልካ
• ንመጀመርታ ግዜ እንተጋጢሙ
• ውሑድ ደም ተኮይኑ
• ደም ምኳኑ ርግጸኛ እንተዘይኮንካ

ደም ኣብ ሽንቲ ብሩህ ሮዛ ፡ ቀይሕ ወይ ጸሊም ቡናዊ ክኸውን ይኽእል።

ኣብ ሽንቲ ዝርከብ ደም ምልክት መንሽሮ ክኸውን ስለ ዝኽእል መርመራ ክግበረሉ ይግባእ። እዚ ብኣጋኡ እንተ ተረኺቡ ንምፍዋሱ ዝቐለለ እዩ ።

ኣብ ቆጸራኻ እንታይ የጋጥም?

ሓፈሻዊ ሓኪም ብዛዕባ ምልክታት ይሓትት ፡ ከምኡ ውን ናይ ባጡቅ ወይ ናይ ርሕሚ (ጓል ኣንስተይቲ) መርመራ ክገብር ይኽእል ኢዩ።

ብተወሳኺውን:-

• ናይ ሽንቲ ወይከኣ ናይ ደም መርመራ ይገብር።
• ረኽሲ ኣለካ ኢሉ እንተሓሲቡ ጸረ-ረኽሲ መድሃኒት ይእዝዝ።
• መርመራታት ንምግባር ናብ ክኢላ በዓልሞያ ሕክምና የማሓላልፈካ።

ጠንቅታት ደም ኣብ ሽንቲ

ኣብ ሽንቲ ዝርከብ ደም ካብ ዝኾነ ናይ ስርዓተ ሽንቲ ኣካሊት ክብገስ ይኽእል – ፍሕኛ ፡ ኩሊት ወይ መትረብ ሽንቲ።

ካልእ ምልክታት እንተሃልዩካ ነቲ ጠንቂ ኣብ ምልላይ ክሕግዘካ ይኽእል ኢዩ። ዝኮነ ደም ኣብ ሽንቲ ምስዝህሉ ኣብ ክንዲ ባዕልኻ ሕማምካ ምዋሳን ናብ ሓፈሻዊ ሓኪም ክትከይድ ይግባእ።

ጠንቂ ናይ ደም ኣብ ሽንቲ

ኣብዞም ዝስዕቡ ኩነታት ደም ዘይክኸውን ይኽእል ኢዩ ፦

• ኣብ ቀረባ እዋን ባርባቤቶላ እንተበሊዕኻ – እዚ ንሽንቲ ናብ ቀይሕ ክቕይሮ ይኽእል ኢዩ።
• ሓድሽ መድሃኒት ትወስድ እንተሃሊኻ – ገለ መድሃኒታት ንሽንቲ ቀይሕ ወይ ቡናዊ ክቕይሩ ይኽእሉ ኢዮም።
• ብመሃንቱስ ትደሚ እንተሃልሊካ።
• ኣብ ግዜ ጽግያት እንተጋጢሙ።