ደም ምስራብ

ደም ምስራብ ልሙድ ጸገም ኮይኑ ኣዝዩ ዘሕፍርን ንመዓልታዊ ህይወትካ ዝጸሉን እዩ። ነዚ ደው ንምባል ክትገብሮ እትኽእል ነገራት ኣሎ።

ንገዛእ–ርእስኻ ካብ ደም ምስራብ ብኸመይ ደው ተብላ?

ግበር

• ክትዛነ ፈትን ከምኡ ድማ ምስትንፋስ ዝሕግዝ ምውስዋስ ኣካላት ተላመድ ፦ እዚ ጭንቀትን ሻቅሎትን ንምንካይ ይሕግዝ።
• ክዳን ብምእላይን ማይ ብምስታይን ነብስካ ኣዝሕል።
• ኣብ ውጥረት ዝመልኦ ኵነታት ከም ቃለ-መጠይቕ ወይ መደረ ክትህብ ከለኻ ፡ ናይ ቈርበትካ ምቕያሕ ዘጕድል ዴኮረሽን ተጠቀም።

ኣይትግበር

• ቀመማዊ መግብታት ኣይትብላዕ ፡ ኣልኮል ወይ ውዑይ መስተ ኣይትስተ ብፍላይ ደም ምስራብ ዘስዕቡልካ ተኮይኖም።

ልሙዳት ጠንቂ ምስራብ ደም

ብዙሓት ዝተፈላለዩ ነገራት ደም ምስራብ ከስዕቡ ይኽእሉ ኢዮም። መብዛሕትኡ ግዜ ብሕፍረት ፡ ሃሩር ወይ ጭንቀት ኢዩ ዝመጽእ።

ሓደ ሓደ ግዜ ካልኦት ተወሰኽቲ ምልክታት እቲ ጠንቂ እንታይ ከምዝኾነ ክሕብሩ ይኽእሉ ኢዮም።

ገለ መድሃኒታት ውን ደም ምስራብ ከስዕቡ ይኽእሉ ኢዮም። ዝኾነ መድሃኒት ቅድሚ ምውሳድካ ጎድናዊ ሳዕቤን ከም ምስራብ ደም ኣልዎን የብሉን ኣረጋግጽ።

ከምዚ እንተ ደኣ ርኢኻ ናብ ሓፈሻዊ ሓኪም ተርአ ፡-

• እቲ ዘጋጥመካ ዘሎ ደም ምስራብ  ንመዓልታዊ ህይወትካ ይጸልዎ እንተልዩ።
• እቲ ምስራብ ደም ብሰንኪ ሕክምናዊ ኩነት ወይ ትወስዶ ዘለካ መድሃኒት ክኸውን ይኽእል ኢዩ ኢልካ እንተሓሲብካ።

ፍወሳ ካብ ሓፈሻዊ ሓኪም

ፍወሳ ናይ ደም ምስራብ ኣብቲ ጠንቂ ኢዩ ዝምርኮስ።

ንኣብነት ፡ ሓፈሻዊ ሓኪም ከምዚ ዝስዕብ ክገብር ይኽእል ፦

• ናይ ምዝራብ ሜላ ፍወሳ – ደም ምስራብ ብሰንኪ ውጥረት ወይ ጭንቀት ዝስዕብ እንተኾይኑ ፡ ከም ፍወሳ ንቕሓትዊ ጠባያት(CBT) ይእዘዘልካ።
• ጭንቀት ዘጉድሉ ፡ ደም ምስራብ ዝከላኸሉ ወይ ውን ነቲ ጠንቂ ዝፍውሱ መድሃኒት ክህበካ ይኽእል።